मंडळी रिचार्ज प्लानबाबत चर्चा असेल आणि त्यात रिलायन्स जिओचा उल्लेख नसेल, असं होणं अशक्यच आहे. देशातील आघाडीची टेलिकॉम कंपनी म्हणून ओळखल्या जाणाऱ्या जिओकडे सध्या जवळपास ४६ कोटी ग्राहक आहेत. जिओ ज्या प्रकारे आपल्या ग्राहकांच्या गरजा ओळखून उत्तम सेवा पुरवत आहे, त्यावरून लवकरच ही संख्या ५० कोटींच्या पुढे जाणार यात शंका नाही.
ग्राहकांच्या सोयीसाठी रिलायन्स जिओने विविध प्रकारचे रिचार्ज प्लान्स सादर केले आहेत. या यादीत स्वस्त ते महाग, तसेच कमी ते जास्त वैधतेचे अनेक पर्याय आहेत. आज आपण जिओच्या अशा एका प्लानबद्दल जाणून घेणार आहोत जो अतिशय स्वस्त असूनही जवळपास वर्षभराची वैधता देतो.
जिओकडे प्रत्येकासाठी खास पर्याय
रिलायन्स जिओकडे ग्राहकांसाठी विविध श्रेणींमध्ये रिचार्ज प्लान्स उपलब्ध आहेत, जेणेकरून कोणालाही रिचार्ज करताना अडचण येऊ नये. जर तुम्ही महागड्या प्लान्सपासून दूर राहून कमी किंमतीत आणि अधिक वैधतेचा प्लान शोधत असाल, तर जिओने तुमच्यासाठी खास पर्याय तयार ठेवला आहे.
जिओच्या प्लान यादीत असे काही प्लान्स आहेत जे १,००० रुपयांपेक्षा कमी किंमतीत जवळपास वर्षभराची सेवा देतात. अशा प्लानमुळे वारंवार रिचार्ज करण्याची झंझट संपते आणि मनःशांती लाभते.
फक्त ८९५ रुपयांमध्ये ११ महिन्यांचा प्लान
जिओचा हा खास प्लान केवळ ८९५ रुपये इतक्या माफक किमतीत उपलब्ध आहे. या प्लानमध्ये ग्राहकांना तब्बल ३३६ दिवसांची वैधता दिली जाते. यामध्ये सर्व नेटवर्कसाठी अनलिमिटेड कॉलिंग मिळते, म्हणजे कोणत्याही नेटवर्कवर मोकळेपणाने कॉल करता येतो.
डेटा सुविधेची बाब करायची झाली तर, या प्लानमध्ये ग्राहकांना एकूण २४GB हाय स्पीड डेटा मिळतो. म्हणजे दर महिन्याला सुमारे २GB डेटा वापरता येतो. डेटा लिमिट संपल्यानंतर इंटरनेटचा वेग ६४kbps इतका होतो. याशिवाय, दर २८ दिवसांमध्ये ५० फ्री एसएमएस देखील मिळतात.
हा प्लान कोणासाठी आहे?
मात्र लक्षात ठेवा, हा प्लान सर्वांसाठी खुला नाही. हा रिचार्ज प्लान केवळ जिओ फोन वापरणाऱ्या ग्राहकांसाठी आहे. जर तुमच्याकडे जिओ फोन असेल, तर तुम्ही ८९५ रुपयांत तब्बल ११ महिन्यांसाठी रिचार्जची चिंता न करता निवांत राहू शकता. स्मार्टफोन वापरकर्त्यांना मात्र दुसरा प्लान शोधावा लागेल.
या प्लानमध्ये जिओकडून JioTV आणि JioAI Cloud सारख्या सेवा देखील मोफत दिल्या जातात.
